Cor Minis e Cor Kids Scoula da Musica Engiadina Bassa
Il Cor Minis….
….es üna gruppa da 16 chantaduras e chantadurs fich allegers e cuntaints da l’Engiadina Bassa. Ils uffants sun 4 fin 6 ons vegls e derivan da Martina, Vnà, Ramosch e Scuol. Ils Minis chantan il plü gugent chanzuns cun bler schlantsch e movimaint e quai in rumantsch e tudais-ch.
Il Cor Kids….
….es üna gruppa da 24 chantaduras ed 1 chantadur da 7 fin 11 ons da l’Engiadina Bassa. Ils uffants han bler`energia, sun sfarfats e lustigs, tegnan insembel e giodan da far cumünaivelmaing gös. Ils Kids chantan gugent chanzuns chi van a cour, ma eir da quellas cun blera ritmica e quai in rumantsch, tudais-ch, purtugais ed inglais.