Jetzt fallet d Blettli wider

Jetzt fallet d Blettli wider,
de Summer isch verbii.
Und d Schwälbli flüüged alli furt,
mir wüssed nid wohii.

Und leer sind alli Fälder
und d Blüemli schlafed bald.
Und stiller wird’s im ganze Land
und einsam staht de Wald.

Kein Summervogel tanzet,
es isch scho chalt und rau.
Und d Sunne hät en Schleier aa
vo Näbel dick und grau.

Läb wohl du schöne Summer,
du söttisch no nid gaa.
Wännd über s Jahr dänn wider chunnsch,
dänn sind mir alli froh.