Marsch digls unfants

Or digl stitg digls salvs saros,
scu ord fossa restizos,
tras igl mond, schi bel, schi grond,
giagn cantond e giubilond.
Tralala tralala
giagn cantond e giubilond.

Dèt a nous muntognas, vals,
gleisch, suglegl, utschels, uals.
Cugls pulieders lagn trottar,
cugls utschels nous lagn tschivlar.
Tralala tralala.
Cugls utschels nous lagn tschivlar.

Cler igl spiert, igl corp è sang:
nous, speranza digl dumang.
Tge ist veta? En surreir.
Vagn la clav digl avigneir.
Tralala tralala.
Vagn la clav digl avigneir.