Wie macheds de die Zimmerslüt

Wie macheds de die Zimmerslüt?
Un eso mached sie s:
Sie hauen ab e chline Spon
U heusche de-n-e grosse Lohn.
Un eso mache sie s.

Wie macheds de die Murerlüt?
Un eso mache sie s:
Der Murer dä schloht Dräck is Loch,
U preicht er s nid, so tätscht es doch.
Un eso mache sie s.

Wie macheds de die Schuesterlüt?
Un eso mache sie s:
Sie chlopfe ‘s Läder uf em Stei.
U näh kes enzigs Bitzli hei.
Un eso mache sie s.

Wie macheds de die Schniderlüt?
Un eso mache sie s:
Sie blose d Chnöpf a Hosegurt
U ruumme nie ke Räste furt.
Un eso mache sie s.

Wie macheds de die Schmittelüt?
Un eso mache sie s:
Sie schlöh en alte Nageli i
U sägen es sig e neue gsi.
Un eso mache sie s.